Уран бүтээлчдийн баг

Ардын дуу бүжгийн Хан Хэнтий чуулгын захиргаа аж ахуйн алба нь байгууллагын уран бүтээлийн арын албыг хариуцан ажиллаж байна.

Бүтэц бүрэлдэхүүн

         Дарга, уран сайхны удирдагч, найруулагч, нягтлан, хүний нөөц, бичиг хэрэг, хувцасны эрхлэгч, аж ахуйн нярав, кассын нярав, маркетингийн менежер, гэрлийн инженер, дууны техникч, тайзны эрхлэгч, мужаан, жолооч, жижүүр, үйлчлэгч, малчин гэсэн бүрэлдэхүүнтэй.

         Тус нэгж нь уран бүтээлийн тоглолт, дуулалт жүжиг болон аймаг орон нутгийн захиалгат соёл урлагийн ажлууд, гадны уран бүтээлчдийн тоглолт, жүжиг, кино, хошин шог, хурал зөвлөгөөн гэх мэт бүхий л арга хэмжээнд шуурхай хариуцлагатай ажилласаар ирсэн бөгөөд уран бүтээлчдийн бүтээлийг тайзнаа амилуулахад чухал үүрэг гүйцэтгэж, үйлчлүүлэгч бүрд тав тухтай орчин бүрдүүлж, мэргэжил нэгт нөхөдтэйгөө хамтран ажиллаж байна.

1958 онд Соёлын ордон байгуулагдсанаас хойш хор анги, драм анги хамт байсан бөгөөд энэ хугацаанд олон алдартай дуучдыг төрүүлэн гаргажээ.

Хан Хэнтий чуулгын дуу ангийн анхны багш нар:
Цэнд-Аюуш-соёлын ордон МУУГЗ Л.Дашням

Дуу ангийн анхны дуучид:

МУАЖ Ч.Шархүүхэн, МУГЖ С.Нансалмаа, МУГЖ Ц.Ичинхорлоо, МУСТА Нямдаваа, МУСТА Мэндээ, МУСТА Б.Цэнд-Аюуш, МУСТА Х.Лхагвахорол, МУСТА Жанчив, МУСТА Дашдондов, МУСТА Энхбат, МУСТА Болд, МУСТА Ард түмний гавьяат Б.Даваажав зэрэг дуучид ажиллаж байлаа.

Дууны багш нар:

• МУУГЗ Л.Дашням
• МУСТА Б.Авирмэд
• МУСТА Б.Хүрэлбаатар
• МУСТА Б.Бямбажав МУСТА Г.Батбаатар
• МУСТА, Ард түмний гавьяат Б.Даваажав МУСТА Б.Энхбаяр

АДБ-ийн Хан Хэнтий чуулгын дунд үеийн дуучид:

МУГЖ Ц.Төвшинтөгс, МУГЖ Д.Энхзул, МУГЖ Н.Төмөрхуяг, МУСТА Цамбалхүндэв, МУСТА С.Оюунчулуун, МУСТТА Баасанжав, МУСТА Хандармаа, МУСТА Энхдулам, МУСТА Наранцэцэг, МУСТА Алтантуяа, МУСТА Цэрмаа, МУСТА Өлзийнаран, МУСТА Лхагвахорол, Г.Гэрэлбаатар, Б.Даваажав, Ц.Баттөр, Б.Хүрэлбаатар, Р.Отгонтуяа, МУСТА Г.Батбаатар, МУСТА Д.Шинэбаяр, МУГЖ Г.Хонгорзул, МУСТА Р.Батболд, МУСТА О.Энхбилэг, Н.Бямбажав, МУСТА Ш.Сүхбат, Н.Баярцэцэг, Х.Сандагдорж, МУСТА Ц.Анхболд, С.Саруулжаргал, Н.Эрдэнэсаруул, Д.Баярцогт, МУСТА Г.Болормаа, Б.Нандинсувд, П.Оюунтуяа, Ж.Бямбалхагва, Алтансаруул, Сонгууль, Цолмонбаатар, Саранхүү, Мөнгөнзул.

Тус ангийн уран бүтээлүүд өөрийн гэсэн өнгө аяс, намба төрх, хоолойн цохилго зэрэг нь дуулаачийн бусдаас ялгарахуйц байхын зэрэгцээ цаг үеийн урсгалд баларч алга болохгүй насжилт удаантай байдгаараа онцлог юм.

    Хан Хэнтий чуулгын бүжиг анги нь 1983 онд Соёлын ордны үндсэн 8 бүжигчнээс эхтэй. Бүжиг ангийг тухайн үед Зүүн Монголын нэрт бүжиг дэглээч, бүжгийн багш, МУУГЗ Д.Санжаасүрэн багш удирдаж байсан бөгөөд Соёлын ордны үндсэн 8 бүжигчний суурин дээр Хан Хэнтий нутгийн авьяаслаг хүүхэд залуучуудаас сонгон шалгаруулж, 16 бүжигчинтэй бүжиг ангийн орон тоог бүрдүүлж байв.

Энэхүү 40 жилийн хугацаанд бүжиг ангийн багшаар:

• 1975-1993 онд бүжиг дэглээч МУУГЗ Д.Санжаасүрэн
• 1993-2004 онд бүжиг дэглээч МУУГЗ Ц.Оюунбаатар
• 2004-2018 онд бүжиг дэглээч МУСТА Д.Цогт-Эрдэнэ нар удирдан Зүүн Монголын ард түмний ахуй амьдрал, зан заншил, хөдөлмөр, тоглоом наадгайг дүрсэлсэн тансаг чамин, донж хөдөлгөөнтэй олон үндэстний бүжгийг өөрсдийн өвөрмөц дэг жаягаар дэглэн бүтээж, тухайн цаг үеийн уран бүтээлүүдийг туурвиж ирсэн ба улсын болоод олон улсын чанартай уралдаант наадмуудад удаа дараалан амжилттай оролцсон бахдам амжилтын эзэд билээ.

1983 онд Соёлын ордны хөгжмийн суурин дээр нээлтээ хийж, улмаар ардын хөгжмийн шинэ бүтэц бүрэлдэхүүнийг бий болгож, ёочин 2, шанз 2, морин хуур 2, хуучир, ятга 2, бишгүүр 2, лимбэ 2, эвэр бүрээ 2, дунд хуур 2, цохиур 2, их хуур 1 гэсэн орон тоотой ардын үндэсний цөөхүүл хөгжим анги бүрджээ.

Анхны хөгжмийн багш: Дэмбэрэл, Д.Гомбо

Удирдаач: Г.Шагдаржав

Анхны хөгжимчид: Л.Лхагвасүрэн, Г.Сүхээ, Цэвээндолгор, С.Хүрэлбаатар, С.Нармандах, М. Буяндэлгэр, Б.Даваадорж, Д. Ширмэнбаатар, Д. Дарханбаатар, Ц.Дугар, Г.Батболд, Г.Бат-очир, Л.Төөгөө, Уранчимэг, Ганцэцэг, Чулуунзориг нарын хөгжимчид “Хан Хэнтий" чуулгын ардын хөгжмийн үндэс суурийг буй болгожээ.

Хан хэнтий чуулгын хөгжмийн багшаар:

• Д. Гомбо 1983-1990 онуудад
• С. Гүрсоронзон 1990-1992 онуудад Буян-Орших 1993-1994 онуудад
• Ц. Дугар 1998 оноос одоог хүртэл багшилж байна.

Хөгжмийн удирдаачаар:

• Г. Шагдаржав 1983-1985 онуудад
• Б. Авирмэд 1986-1997 онуудад
• Б. Ганболд 1997-2003 онуудад

Дунд үеийн хөгжимчид: Г. Алтмаа, Б. Ганболд, А. Батзаяа, Бадамханд, Даваадорж, Март, С. Оюунтуяа, Э. Арслан, Г. Оюун-Од, Г. Болормаа, Цогбаяр, Уранчимэг, Д. Болорбат, Олонтүмэн, Э. Адьяасүрэн, Даваасүрэн, Б. Батзаяа